14 ka mga balay sa Barangay Vista Alegre, ciudad sang Bacolod, naguba bangud sa buhawi

14 tanan ka mga balay ang naguba sa nagluntad nga buhawi sa Barangay Vista Alegre, Bacolod City, kahapon, kapin ala 1:00 sang hapon.

Sa interview sang Bombo Radyo kay Punong Barangay Jose Maria Leandro “Lendi” De Leon, ila ginkakibot ang nagluntad nga buhawi bangod sa karun naga-eksperyensya ang pungsod sang El Nino.

Suno diri, may mga balay nga totally damaged kag may yara man sang partially damaged.

May yara pa sang balay nga wala pa natapos tukod apang naguba kasubong man nga may mga kagamitan nga naguba man.

Nagpasalig naman ang barangay nga maghatag sang bulig samtang gin-una na hatag ang mga pagkaon para sa mga biktima.// Wala naman sang ginpatigayon nga evacuation.