Patay ang 14 ka mga bag-ong bun-ag nga lapsag matapos magluntad ang isa ka dako nga sunog sa Pakistan Institute of Medical Sciences (PIMS) sa Islamabad, Pakistan.
Base sa imbestigasyon sang mga otoridad, nag-umpisa ang sunog sa isa ka air-conditioning unit kag madasig nga naglapta ang kalayo bangud sa nakakonekta nga oxygen.
May yara sang 15 ka mga lapsag sa ward sang natabo ang sunog kag isa lamang ang naluwas.
Ipaidalom pa sa DNA testing ang mga bangkay agud makilal-an sang mga ginikanan ang ila mga bata.
Ang ospital ang ginabug-usan sang 24 ka mga medical specialist units kag may kapasidad nga 1,200 ka mga hospital bed kag 5,000 ka mga outpatient.
Nagpanawagan naman si Pakistani President Asif Ali Zardari nga pasabton ang mga responsable kag pasakaan sang nagakaigo nga kaso ang mga opisyal sang ospital bangud sa negligence.
