May 1,452 ka mga personnel gikan sa Police Regional Office – Negros Island Region nga gindeploy para sa pagbantay sa mga aktibidad may kaangtanan sa ika-54 nga anibersaryo sang deklarasyon sang Martial Law.
Suno sa PRO-NIR, ang mga personnel ang ideploy regionwide ang para maseguro ang safe, peaceful, kag orderly nga mga aktibidad, paagi sa police visibility, foot patrol, mobile kag motorcycle patrols, traffic assistance, checkpoints, border control, civil disturbance management (CDM), reactionary standby support force (RSSF) deployment, kag iban pa nga law enforcement functions.
Ang mga tikang ang patigayunon sa mga strategic areas agud mapunggan ang kriminalidad, ma-address ang mga security concerns, kag ma-alalayan ang publiko, kag maseguro nga gilayon nga maresponderan ang mga insidente nga mahimo magluntad.
May walo man ka personnel nga i-augment gikan sa iban pa nga units, samtang may ara man sang 316 ka mga force multipliers para sa dugang nga seguridad.
Ang PRO-NIR ang yara sa full-alert status subong nga adlaw, kag mangin visible sa mata sang publiko.
Panawagan nila sa publiko nga mangin mabinantayon, magkooperar sa otoridad, magsunod sa layi, kag ireport ang mga makaduluda nga aktibidad ukon security concerns nga matalupangdan sa palibot.
