Ginpakigbahin sang pinuno sang Public Affairs Office sang 3rd Infantry Division sang Philippine Army nga nakabase sa Camp Peralta, Jamindan, Capiz nga nakabaton sang uniform ang pila ka mga reservist sang Philippine Army.
Sa interview sang Bombo Radyo Bacolod kay Lt. Col J-Jay Javines, nagdangat sa 146 ka mga reservist nga nagikan sa 6th Regional Community Defense Group ang nahatagan sang uniform paagi sa proyekto nga Share-A-Uniform to Reservist.
Ang mga uniform ang nagikan sa 3rd Infantry Division kag ang iban ang gindonate sang personnel sang 3rd ID nga mga indi pa ugit ukon overused nga mga uniform, ini ang sa tinutuyo nga indi na magpalibog ang mga reservists sa pagbakal sang bag-o nga uniform.
Suno kay Javines, ang mga reservist ang may yara sang dako nga role sa komunidad.
Ang mga reservist ang ginakabig nga mga mga force multipliers kun sa diin gina-tap sang Philippine Army sa tiom nga magpatigayon sang Disaster Relief Operations kasubong man sa Medical Dental Activity sang Philippine Army bangud may mga reservists nga medical professionals.
Photo grab 3ID PA,fb page.
Nagpanawagan man ini sa mga pumuluyo ilabi ang mga medical professionals nga mahimo sila mangin kabahin sang reservists sang Philippine Army bangud nagakihanglan ang ahensya sa mga ini bangud kulang ang mga suldado.
Sa mga luyag nga mangin reservists sang Philippine Army ang mahimo magbisita sa Community Defense Centers (CDC) nga nahamtang sa sulod sang Panaad Park sa Barangay Mansilingan, Bacolod City.
Suno kay Javines indi man stringent ang mga requirements sang reservists magluwas nalang kun for official ang pagaapplyan.
Ang mga reservists ang ginapaidalom man sa training kag ini ang boluntaryo nga paghatag sang serbisyo.
Suno pa sa pinuno sang Division Public Affairs Office, 3rd Infantry Division, Philippine Army, ang reservists ang ginakinahanglan man para sa nation building.
