Natigayon na nga maoperahan ang 15-anyos nga babayi nga ginlampusan sang bato sa Hda. Badiang, Brgy E. lopez, Silay City.
Sa interview sang Bombo Radyo kay Silay City Mayor Joedith Gallego, natughungan naman sang dugo ang apat ka tuig nga bata kag padayon nga nagapa-ayo sa ospital.
Suno kay Mayor Gallego, madamo sang nagpalab-ot sang bulig sa pamilya Bornales.
Samtang magahatag naman sang dugang nga P60,000 ang ihada ni Mayor Gallego nga yara sa luwas sang pungsod.
Madumduman nga nagtanyag sang P25,000 nga reward ang Alkalde, P50,000 naman halin sa opisina ni Negros Occidental 3rd District Representative Javi Benitez, kag P25,000 gikan kay former Silay City vice mayor Samuel Siote, sa makahatag sang impormasyon sa may kahimuan sang krimen.
Panawagan sang Alkalde sa luyag nga maghatag sang impormasyon nga makabulig sa paghatag sang hustisya sa mga biktima nga bukas ang iya talatapan.
