Wala pa gihapon makapauli ang 15 anyos nga dalagita nga Grade 10 student sa Sum-ag National High School, nga namissing humalin sang Lunes sang hapon.
Ang dalagita ang ginkilala nga si Pearl Joy Ortiz Galve ang nakasulod pa sang half day sa klase sang Lunes.
Apang ini ang wala na nakapauli kag nabilin lamang ang bag sa ila nga classroom.
Ginalantaw ang posibilidad nga ini ang naglayas bangod matawagan pa ang iya nga cellphone, apang wala nagasabat.
Siya ang ginacontact man sang iya pakaisa sa messenger nga iya pa nga na-seen, apang sang gintawgan, gilayon sini nga ginblock ang iya nga pakaisa.
Sa interview sang Bombo Radyo Bacolod kay Police Captain Michael Tuburan, hepe sang Bacolod Police Station 9, ginapanawagan sini sa dalagita nga magpauli na bangod nagakabalaka na ang iya nga mga ginikanan.
Sa mahimo may impormasyon kun diin ang dalagita sarang nga macontact ang iya pamilya sa numero 09707198344 ukon mahimo man nga magcontact sa Bacolod Police Station 9 sa numero 09985987478.
