Ang Pilipinas ang nagapabilin nga may pinakamataas nga minimum age of criminal liability sa Asya sa edad nga 15 anyos, nga nagasanto sa international child rights standards.
Sa idalom sang Republic Act No. 9344 ukon Juvenile Justice and Welfare Act, ang mga 15 anyos paidalom ang mahimo indi manabat sa krimen sa baylo ginapaidalom sa intervention programs, samtang ang 15 tubtob 17 anyos naman ang mahimo lamang nga may salabton sa krimen kun mapamatud-an nga may discernment ini.
Madugay na nga gina-propose sa Kongreso nga panubuon ang edad, apang wala pa sang may napasar.
Santo sa United Nations Committee on the Rights of the Child, dapat hindi magpanaug sa 14 anyos ang minimum age.
Sa Asya, ang Japan, South Korea, China, kag Vietnam ang nagapatuman sang minimum age nga 14 anyos samtang 12-anyos sa Indonesia kag 10-anyos naman sa Singapore.
Suno naman sa UN, ang edad nga mas manubo sangsa 12 anyos ang wala nagasunod sa international standards kag dapat pasakaon sang pungsod ang threshold.
Gindepensahan naman sang Juvenile Justice and Welfare Council ang 15-anyos nga limitasyon, base sa pagtuon nga nagapahayag nga indi pa kumpleto ang developmental maturity sang mga bata nga yara sa amo nga pang-edarun.
Ini kasunod sang natabo nga insidente sang pagpangluthang sa San Jose National High School sa Barangay San Jose, Tacloban City sa diin ang mga imbolbado amo ang mga menor de edad.
