-- ADVERTISEMENT --
Patay ang 15 anyos nga bata matapos masalabat sa shooting incident nga nagluntad sa Brgy Banago, Bacolod City sang Miyerkules, kapin alas-2:00 sang kaagahon.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 3, ang tuyo nga tiruhon kun tani amo si Alyas Alvin kag nasalabat lang ang bata.
Suno diri, may isa ka salakyan nga nagdulhog nga may transakyon kay Alyas Alvin apang hinali lang nga nagpaarak sang luthang ang tawo sa sulod sang salakyan.
Naigo-an sa tiyan ang bata samtang nag-angkon sang igo sa kamot kag tiil si Alyas Alvin.
Natukiban nga naka-agi na preso si Alyas Alvin kag ini ang may kaso sa ciudad sang Talisay kag Silay.
-- ADVERTISEMENT --
