15 ka mga kandidata gikan sa nagkalainlain nga Local Government Units (LGUs) sa Negros Island Region (NIR) ang magacompete para sa titulo bilang first-ever Miss World kag Miss Grand Negros Island Region 2025.
Sa interview sang Bombo Radyo Bacolod kay Chino Ledesma Christopherson, fashion designer kag chairperson sang pageant, ang 15 ka kandidata ang ginabug-usan sang isa gikan sa Siquijor, isa sa Negros Oriental kag ang 13 ang gikan sa Negros Occidental.
Ang koronahan nga Miss World Negros Island Region kag Miss Grand Negros Island Region amo ang magasabak sa National pageant.
Ang coronation night ang magasugod alas-6:00 bwas sa gab-i sa SMX Convention Center sa SM City Bacolod.
Gina-imbitahan man ni Christopherson ang tanan nga mga pageant title holders gikan sa mga barangay, banwa kag ciudad, bisan ang mga title holders sa eskwelahan nga maglantaw suksok ang ila nga mga sash kag korona nga pamatuod sang ila titulo.
Dalagkuan nga mga pangalan man ang mangin judges lakip na sanday Miss Asia Pacific International 1st runner up Anita Rose Gomez kag Reina Hispanoamericana 2025 Dia Mate.
Gina-imbetaran sini ang tanan nga maglantaw kag suportahan ang mga kandidata sa red carpet and grandest stage sa 1st edition sang Miss World and Miss Grand Negros Island Region.
