Ginpakilala na sa publiko ang 15 ka mga kandidata para sa Miss Bacolod Masskara 2024 kadungan sa ginpatigayon nga sashing ceremony kag press presentation sa SM City Bacolod kahapon, Domingo, Setyembre 29.
Ang mga kandidata amo sanday Ella Gozon, Queenie Kuan, Sophia Kaye Zaragoza, Angelica Gwen Tenero, Princess Ella Olmilla, Jhudiel Micha Maris Lianda, Cindy Valencia, Bea Tricia Dela Peña, Mary Heloise Ginson, Gesille Mae Sullivan, Gwyn Maricon Lopez, Jasmine Mahilum, Ed Marie Aguilar, Cailah Jhane Delarma kag Akeisha Nicole Nuarin.
Natalana naman ang talent competition sa Oktubre 5 kag Octubre 12 ang festival costume competition nga patigayunon sa Ayala Malls Capitol Central.
Sa Oktubre naman patigayunon ang corporate day sa Main Atrium sang SM City Bacolod kag sa Oktubre 19 ang coronation night sa University of St. La Salle Coliseum.
Duha naman sa apat ka mga pamangkot nga ginpadala sang Bombo News Team ang nagabutan kag ginsabat man sang duha ka mga kandidata nga ginalakipan sang Candidate No. 4 kag Candidate No.15.
Napilian naman bilang Darling of the Press ang 20 anyos nga si Cindy Valencia, nga advocate sang Persons With Disabilities (PWD).
Siya ang ginpili sa ginpatigayon nga sashing ceremony kag press presentation sang Miss Bacolod Masskara 2024 candidates sa SM City Bacolod kahapon.
Ang mga kandidata ang nagsuksok sang ila nga Limited Edition MassKCAREra Cynefin Collection shirts nga courtesy sang Mangkas Apparel.
Tanan nga mga kandidadata ang gindayaw bangud sa pagpresentar sang ila nga mga adbokasiya apang si Miss Bacolod Masskara Candidate No.7 ang nag-impress sa media kag ginkilala bilang Darling of the Press.
Si Valencia ang isa ka third year Business Administration student sa University of St. LaSalle ang nagpresentar sang iya adbokasiya nga paghatag sang awareness kag empowerment para sa Person With Disabilities (PWD).
Plano man sini nga magdevelop kag pasanyugon pa ang school based program para sa PWDs nga naumpisahan na sini sa USLS.
