Ginrelieve sang Philippine National Police ang 15 sini ka mga officers matapos nga mapaslawan nga maaresto si Kingdom of Jesus Christ leader Apollo Quiboloy kag lima ka iban pa may kaangtanan sa mga kaso sang child abuse kag qualified trafficking.
Suno kay PNP Chief Police General Rommel Marbil, sa resulta sang ila imbestigasyon, ila ginrelieve ang 15 ka mga PNP personnel lakip na ang tatlo ka mga police commissioned officers kag 12 ka non-commissioned officers.
Apang ginaathag sini nga wala sila ginrelieve bangud sa mga pagpang-abuso apang bangud nga napaslawan ini nga maaresto ang mga pugante sa layi kaangay kay Quiboloy kag ang iya mga co-accused.
Suno kay Marbil, gilayon sini nga ginmanduan ang PNP Internal Affairs Service nga magpatigayon sang impartial investigation agud madeterminar kun may yara sang operational lapses ukon “excessive force” nga nakomiter sa isa ka police operation sa compound ni Quiboloy sa Davao sang Hunyo.
Ginmintinar man sini nga ginahimo lamang nila ang ila trabaho kag nagsunod ang mga ini sa procedures.
