May mga registrants sa Commission on Elections nga nadisapprove ang applicastions matapos nagpresentar sang peke nga mga identification cards.
Sa interview sang Bombo Radyo kay Bacolod City Elections Officer Atty. Katrina Trinio-Cania, wala pa sang kabug-usan nga data ukon written resolution ang Elections Registration Board (ERB) apang sa initially, may mga aplikante nga wala naaprubahan.
Suno sa iya, 15 ka mga applicants ang nagpresentar sang peke nga PhilHealth ID kag may 15 man nga naggamit sang witness ukon garantor nga nasobra na sa tatlo ka mga applicants ang iya ginwitnessan.
May yara naman sang ginpangpasa para sa ocular inspection sa Comelec.
Suno kay Cania, ila nadiskubrehan nga peke nga PhilHealth IDs ang ginpresentar bangud lain ang duag sini kag ang signatory ang madugay na.
Humalin sadto, suno sa iya, wala na sila nagabaton sang PhilHealth ID nga wala upod nga Member Data Record (MDR).
