UKRAINE – Ginpahayag sang state agency for emergencies sa Ukraine nga nagdangat na sa 15 ang death toll sa Russian airstrike sa Regional Administration Building sa southern city sang Mykolaiv.
Ginpahayag sang Ukrainian authorities nga ang pagpangbomba sang Russian forces ang nagwasak sa isa ka nine-story government building sang Martes sang aga, oras sa Ukraine.
Suno kay regional Governor Vitaly Kim, ginhulat gid sang Russian forces nga magpadulong sa trabaho ang mga empleyado antes nag-atake.
Mayorya sa mga empleyado ang nakalikaw naman sa pagsigabong apang may 12 nga nasamaran kag 15 ang napatay.
Suno kay Kim, wala ini sa opisina bangod nation man nga naburawan ini sa pagtulog gani nalate ini sa trabaho.
Nahibaluan nga sa sulod sang pila ka semana, makapila naman nga mapunggan sang mga Ukrainian sa Mykolaiv ang tuyo sang Ukrainian forces nga pagsakop sa southern port city, kun sa diin nabalabagan ang mga ini sa bahin sang Black Sea coast.
