16 ka mga abogado ang magaserbi bilang counsel para sa impeachment trial ni Vice President Sara Duterte suno sa dokumento nga ginpasa sa Senate impeachment court.
Suno sa impeachment court, nabaton sini ang Appearance – Ad Cautelam nagikan sa Fortun Narvasa and Salazar law firm alas-5:03 sang hapon sang Lunes.
May isa ka written note sa Appearance – Ad Cautelam nga nagapahayag nga isa ka tender copy ang ginhatag sa House of Representatives apang wala ini ginbaton.
Ang impeachment trial ang ginalauman sa Hulyo sa idalum sang 20th Congress.
Nakaangkon ang Senado sang mga kritisismo nagikan sa mga miyembro sang academe kag legal experts bangud sa pagpablik sang impeachment case ni Duterte sa House of Representatives matapos nagtakop ang 19th Congress sang tinalikdan nga semana.
