16 ka mga estudyante, gindala sa ospital matapos mahilo sa ginkaon nga bunga sang kasla sa ciudad sang Cadiz

Gindala sa emergency room sang Cadiz City Hospital ang 16 ka mga estudyante sa Barangay Tiglawigan, Cadiz City bangud nagsululuka matapos gin-alegar nagkaon sang bunga sang kasla kahapon sang hapon, Agosto 12.

Sa interview sang Bombo Radyo Bacolod kay Ruben, residente sang lugar, gindala na sa ospital ang 16 ka mga estudyante.

Ang insidente ang natabo pasado alas 4:00 ang takna sang hapon.

Suno diri nagsululuka ang mga bata rason nga gindala sa ospital.

Ginapahayag nga ang mga ini ang nagkaon sang bunga sang kasla kag suno sa mga nakakaon nga daw kaangay sang mani ang sabor sini.