-- ADVERTISEMENT --
16 ang narecord nga panibag-o nga nakarecover sa COVID-19 sa Negros Occidental samtang wala naman sang nadugang nga kaso sa probinsya kag ciudad sang Bacolod.
Sa Department of Health (DOH) Region 6 COVID-19 case bulletin no. 114 kahapon, 22 ang nagdugang nga positibo sa COVID-19 sa Western Visayas, samtang isa diri ang na-tag sa iban nga rehiyon bangod residente ini sang Dasmariñas, Cavite.
Sa karun, nagapabilin sa 255 ang kabug-usan nga mga kaso sang COVID-19 sa Negros Occidental kag nagapabilin naman sa 72 ang sa ciudad sang Bacolod.
Ang Western Visayas ang nakarecord na sang 346 ka mga aktibo nga kaso, samtang 379 ang mga nakarecover kung sa diin 34 ang panibag-o kag 12 naman ang mga nagkalamatay.
