16 pilason, sa pagpangluthang sang 18 anyos nga lalaki sa isa ka vocational high school sa Turkey

Pilason ang 16 nga indibidwal matapos ang pagpangluthang sang isa ka lalaki sa isa ka eskwelahan sa Turkey.

Ang suspek amo isa ka 18 anyos nga lalaki nga nagpaniro sa isa ka vocational high school sa Siverek, probinsya sang Sanliurfa, gamit ang shotgun.

Matapos ang insidente, nagpanago ini sa isa ka bahin sang building antes ginluthang ang iya kaugalingon.

Suno sa gobernador sang nasambit nga lugar nga si Governor Hasan Sildak, ginalakipan sang mga pilason ang napulo ka mga estudyante, apat ka mga manunudlo, isa ka empleyado sang canteen kag isa ka pulis.

Padayon naman ang imbestigasyon sang mga otoridad sa motibo sang suspek.