169 ka mga indibidwal ang nangin succesful blood donors sa ginpatigayon nga Dugong Bombo 2026 sa CityMall Mandalagan, Bacolod City.
Sa interview sang Bombo Radyo kay Ma. Cornelia Zarceno Blood Bank Manager, Philippine Red Cross Bacolod City, 25 ka gallons sang dugo ang nakolekta sa Dugong Bombo 2026.
Suno kay Zarceno, dako na ini nga bulig sa mga nagakinahanglan sang dugo ilabi na subong nga season sang dengue cases, madamo ang nagapa-dialysis kag manugbata.
Samtang, 300 naman ka mga indibidwal ang nagparegister apang madamo ang wala nakapasar sa interview, vital signs, screening kag hemoglobin check.
Lakip sa mga factors amo ang iban nga nakapa-inject sang anti-rabbies kag anti-tenanus vacccination, mataas ang blood pressures, kulang ang tulog, underweight kag over age.
Ginapakamaayo man sini nga wala sang natabo nga mga untoward incident.
Suno diri, ang ila mga medical team ang preparado gid sa ila tagsa ka mga responsibilidad sa Dugong Bombo 2026.
Mensahe ni Zarceno sa mga wala nakapasar sa screening nga i-kondisyon ang lawas agud matigayon nga makadonate sang dugo sa masunod nga Blood Letting Activity.
Ginpasalamatan sini ang Bombo Radyo sa madinalag-on nga Dugong Bombo 2026 nga dako gid nga bulig para sa madamo nga mga indibidwal nga nagakinahanglan sang dugo.
