Ginbawian sang kabuhi ang isa ka 17-anyos nga babayi nga estudyante matapos magluntad ang isa ka sword attack sa isa ka buluthuan sa central Sweden sang Biyernes, Agosto 21.
Santo sa kapulisan, isa ka 18-anyos nga lalaki nga armado sang espada ang nagpang-atake sa Brinell School sa Fagersta, northwest sang Stockholm, samtang nagapadayon ang klase.
Isa ang patay samtang tatlo naman ang pilason kalakip diri ang duha nga may patal nga pilas kag yara sa kritikal nga kondisyon, naga-edad 12 kag 17-anyos.
Naaresto na ang suspek kag gina-imbestigahan na ang insidente kag ginakabig bilang murder kag attempted murder ang mangin kaso.
Nagapati naman ang mga kapulisan nga wala na sang iban pa nga imbolbado sa pagpatigayon sang krimen.
Santo sa kapulisan, nagpalupok sila sa suspetsado apang wala ini naiguan.
Nagpakig-unong man si Prime Minister Ulf Kristersson sang Sabado kag nagpahayag nga indi na ini dapat maliwat pa.
Sa karon, wala pa sang opisyal nga impormasyon tuhoy sa motibo sang attacker.
Indi ini ang una nga tion nga nakaeksperyensya sang violent school attacks ang pungsod.
