Napasakaan na sang kaso ang menor de edad nga nakuhaan sang marijuana sa isa ka eskwelahan sa Brgy Granada, Bacolod City.
Madumduman nga nakita sang isa ka guard ang marijuana gikan sa bag sang estudyante samtang naga-inspect sa entrance sang eskwelahan sang Hulyo 22.
Sa interview sang Bombo Radyo kay PMaj. Andy Ofalia, Station Commander sang Bacolod Police Station 5, ginpahayag sini nga ang menor de edad ang magapangatubag sang kaso sa paglapas sa Section 11 kag Section 12 sang Republic Act No. 9165 ukon Comprehensive Dangerous Act of 2002.
Ini matapos nagpositibo sa Crime Laboratory ang narecover nga marijuana.
Dugang pa, ginsunod man ang tanan nga legal nga proseso, lakip ang pagpatigayon sang discernment proceedings para sa menor de edad.
Pahanumdom sini sa mga kabataan nga likawan ang paghupot ukon paggamit sang ilegal nga druga bangud ini ang makaguba sa puturo.
Pahayag ni Ofalia, padayon ang koordinasyon sang kapulisan sa mga eskwelahan agud mapalig-on ang kampanya batok sa iligal nga druga kag maprotektahan ang mga estudyante.
