-- ADVERTISEMENT --
Patay ang isa ka 17-anyos nga lalaki, Grade 9 student, matapos malumos samtang nagapaligo sa Bago River sa Purok Maabi-abihon 1, Barangay Lag-asan, Biyernes sang hapon, Abril 4.
Suno sa imbestigasyon sang Bago City Police Station, nagpaligo ang biktima upod ang anum sini ka mga abyan sang hinali lamang ini nga nagapangayo sang bulig.
Ginpahayag sang isa ka kaupod sini nga ila gina-abi nga nagalabutaw lamang ang biktima apang nagsarurot ini paidalom kag wala na nakaginhawa.
Matapos ang isa ka oras nga retrieval operation sang Bago City Disaster Risk Reduction and Management Office (CDRRMO), natigayon nga narecover ang bangkay sang biktima.
