Patay ang isa ka lalaki matapos mabun-an gikan sa kapiestahan sa Sto. Rosario, Barangay Guimbala-on, Silay City sang tinalikdan nga adlaw Oktubre 14.
Gin-kilala ang mga biktima nga sanday Jake Sombria, 23 anyos, single kag Jay Mark Sombria 19 anyos lunsay residente sang Sto. Rosario, Barangay Guimbala-on; Kiel Emerich Gardoce 20 anyos, residente sang Hacienda Herminal, Barangay Guimbala-on kag duha ka mga menor de edad nga naga edad 15 kag 16 anyos.
Samtang ang mga suspetado ang ginkilala nga sanday Christian Javelosa 18 anyos, Mark Abellana 20 anyos kag apat ka menor de edad nga 17, 16, 15 kag 13 anyos, lunsay residente sang Hacienda Sta. Rita, Barangay Bagtic, Silay City.
Sa interview sang Bombo Radyo Bacolod kay Police Major Sarah Villanueva, Deputy Chief of Police sang Silay City Police Station, Halin sa kapiestahan ang duha ka grupo kag papuli na kuntani sang hinali lang nga naghinangkatanay.
May natabo pa nga komusyon tubtob nga naggabot sang kutsilyo ang 17 anyos kag ginpangbuno ang lima ka biktima.
Ang natam-an amo si Jake Sombria nga naka angkon sang buno sa tiyan nga gin-hingagaw pa dala sa Teresita Lopez Jalandoni Provincial Hospital apang gindeklarar nga dead on arrival.
Yara naman sa kustodiya sang Silay City Police Station ang duha ka suspect samtang ang mga suspect nga minor ang gin turnover sa Women and Children Protection Desk matapos madakpan sa ginpatigayon nga hot pursuit operation.
Dugang pa ni Villanueva pasakaan gid sang kaso nga Homicide kag Frustrated Homicide ang mismo namuno nga 17 anyos.
