17 ka mga firecracker-related injuries ang narekord isa ka semana antes ang bag-ong tuig.
Suno sa Department of Health, ang mga injuries ang narekord humalin Disyembre 22 tubtob 23 sa 62 ka mga sentinel hospitals sa bilog nga pungsod.
Sa 17 ka mga injuries, 16 ang lalaki nga pasyente nga naga-edad pito ka tuig tubtob 37-anyos.
Ini ang mas mataas kun ikumparar sa anum ka mga kaso nga narekord sa kaangay nga period sang tinalikdan nga tuig.
Nagpanugyan ang DOH sa publiko nga likawan ang paggamit sang maskin ano nga fireworks sa pagsaulog sang holidays kundi maggamit lamang sang drums, horns kag iban pa nga alternative noise makers.
Ginadumilian man ang mga kabataan nga maggamit sang firecrackers.
Nagpaandam man ang Philippine National Police sa publiko nga indi pagsindihan ang firecrackers sa residential areas sa pagsaulog sang 2025.
