20 ka mga persona kalakip na ang 11 ka menor de edad ang nakaagom sang firecracker-related injuries sa Negros Occidental as of January 1, 2022.
Santo sa police report, ang mga biktima ang naga-edad 7 anyos tubtob 60 anyos.
Suno kay Negros Occidental Police Provincial Office (NOCPPO) Deputy Spokesperson P/Lt. Abegael Donasco, wala naman sang insidente sang indiscriminate firing.
Samtang wala naman sang ginpatigayon nga muzzle taping sa service firearms nga gin-issue sa mga police personnel.
Suno kay Donasco, tanan nga mga NOCPPO personnel ang ginpaandaman nga dako ang penalidad batok sa mga magapalupok sang ila mga armas sa pagsaulog sang New Year’s Eve.
Suno diri, 17 ka mga insidente sa syudad sang Escalante, Bago, Talisay, Silay, Cadiz kag San Carlos, kasubong man ang banwa sang EB Magalona, Candoni, Pontevedra kag San Enrique ang natabo sa gwa sang designated firecracker zone.
Ginpahayag naman ni P/Lt Liberty Indiape, deputy spokesperson sa Bacolod City Police Office, nga duha gikan sa tatlo ka mga biktima sang palupok sa Bacolod City ang mga minors.
Nakita sa Police records ang pagsaka sang mga biktima sang palupok gikan sa lima sang nakaligad nga tuig, apang 17 ang subong nga tuig sa Negros Occidental, luwas pa sa tatlo ka insidente gikan sa Bacolod City.
