Nagpatigayon sang mass wedding ang 79th Infantry Battalion sang Philippine Army para sa 17-ka couple nga ginalakipan sang mga suldado, Civilian Armed Forces Geographical Unit (CAFGU), kag mga former rebels.
Sa interview sang Bombo Radyo Bacolod kay Lt Col. Arnel Calaoagan, Commander sang 79th Infantry Battalion sang Philippine Army, ginkalipay sini nga nangin succesful ang ginpatigayon nga mass wedding sang Agosto 14.
Suno diri, bangod sa trabaho wala na sang oras pa nga magpakasal ang mga suldado amo nga mismo ang 79th IB ang nagpreparar sang kasal.
17 ka couple ang ginkasal, kun sa diin siyam diri ang suldado, lima ang miyembro sang CAFGU kag tatlo ka former rebels.
Ang kasal ang ginpatigayon sa headquarters sang 79th IB sa ciudad sang Sagay kag didto man ginpatigayon ang reception.
Apang, ginhatagan man sila sang tsansa nga makaselebrar sa ila tagsa ka mga lugar.
Ang mga couples ang residente sang probinsya sang Negros Occidental, apang may yara man sang residente sang Iloilo kag Panay.
Pahayag ni Calaoagan, kun maayo ang kahimtangan sang ila pamilya mas makafocus sa trabaho ang mga suldado.
