Arestado ang 17 ka mga persona sa gin-patigayon nga buybust operation sang Police Station 7 sa Purok Pili, Barangay 8 nga sakop sang Police Station 2 sa syudad sang Bacolod kahapon sang hapon.
Sa interview sang Bombo Radyo Bacolod sa hepe sang Police Station 7 nga si Police Major Sherlock Gabana, may naghatag sa ila sang impormasyon nga may naga-duso sang iligal nga droga sa lugar rason nga ila ini gin-monitor sang 2 ka semana.
Las-4:15 kahapon sang hapon sang natigayon nga nadakpan ang mga suspetsado nga ginkilala kanday Joey Yap, 39 anyos, subject sang operasyon kag isa ka Street Level Target; George Lisaca, 41 anyos; Raymond Sibornido, 32 anyos; J-R Emeterio, 29 anyos; Randy Caduhada, 27 anyos; Tonton Yap, 28 anyos; Randy Caduhada, 27 anyos; Jerry Catapang, 23 anyos; Emmanuel Dancho-on, 33 anyos; Rico Anieve, 40 anyos; Eduardo Denosta, 35 anyos kag isa ka High Value Target; Glenn Yap, 53 anyos; Fermin Cumawas, 40 anyos; Andrew Magbanua, 40 anyos; Roberto Carasaquit, 36 anyos; Allan Cristales, 55 anyos; Ian Bandoquillo, 37 anyos; kag Bernie Baldevia, 36 anyos.
Nakuha sa paghinakop sang mga suspetsado ang 14 ka mga small heat sealed sang suspected shabu, 5 ka medium sachets sang suspected shabu, 2 ka big heat sealed sang suspected shabu nga may kabug-aton nga 8 grams, P200 nga marked money kag may estimated street value nga P120,000.
Yara karun nakahunong sa kustodiya sang Police Station 7 ang mga suspetsado kag paga-pasakaan sang kaso sa paglapas sa Republic Act 9165 ukon Comprehensive Dangerous Drugs Act of 2002.
