Patay ang indi magnubo sa 17 ka tawo samtang 73 ka iban pa ang pilason matapos hungod nga ginbunggo sang su*cide attacker ang salakyan nga ginamaneho kargado sang bomba sa isa ka police facility sa Northwest Pakistan.
Nagapamalandong ang mga pulis kag ila mga pamilya sa mosque sa sulod sang pasilidad sang natabo ang pag-atake, santo sa news agency sang Pakistan.
Lakip sa mga napatay ang pito ka pulis kag apat ka tuig nga bata, sa ciudad sang Kohat.
Samtang, imbolbado naman ang isa ka armado nga grupo nga wala pa natumod sang mga otoridad.
Ginlaragway ni Provincial Police Chief Zulfikar Hameed ang insidente bilang “su*cide attack”.
Ginkumpirmar man sang mga otoridad nga pito tanan ka attackers ang nautas ang kabuhi sa paglupok sang bomba kag sa kasunod nga crossfire sa tunga sang kapulisan kag sang mga armado nga lalaki.
Wala pa sang may nag-ako kun sin-o ang responsable sa krimen sa border province sang Khyber Pakhtunkhwa.
Apang, ang probinsya ang masami makaeksperyensya sang pagpang-atake naggikan sa Islamist militants nga nagapaninguha nga gub-on ang federal government.
Suno sa police spokesperson, nag-attempt pa ang armado nga grupo nga i-infiltrate ang pasilidad sang kapulisan kasunod sang paglupok sang bomba.
Ginpanginwala naman sang Taliban government sang Afghanistan ang akusasyon nga sila ang responsable sa pagpang-atake.
