Indi magnubo sa 17 ka tawo ang nautas ang kabuhi kag masobra 40 ang pilason matapos maglunsyar ang Russia sang dinosena nga ballistic missiles sa Kyiv kag mga kaingod lugar sa Ukraine kahapon.
Santo sa mga opisyal sang Ukraine, naguba sa pagpang-atake ang pila ka mga bodega, logistics center, kag iban pa nga imprastraktura sang dalagko nga retail company.
Ginpahayag man sang Ukrainian Air Force nga indi nila ma-intercept ang 24 ka ballistic missiles kag apat ka Zircon cruise missiles bangud sa kakulang sang air defense missiles.
Nagpanawagan si Ukrainian President Volodymyr Zelenskyy sa mga kaalyado nga pungsod nga dugangan ang suplay sang air defense interceptors, nga mahimo makaluwas pa sang mga kabuhi.
Samtang, ginpahayag naman sang Russia nga target sang ila opensiba ang mga logistics center nga gin-alegar ginagamit sa pag-tipon sang kagamitan para sa operasyon sang militar.
Padayon naman nga ginapanginwala sang Russia kag Ukraine nga hungod nila nga ginatarget ang mga sibilyan sa nagapadayon nga gyera.
