Kapin 170 ka pamilya ang nag-evacuate sa anom ka mga barangay sa banwa sang Isabela kag Hinobaan nga apektado sang pagbaha bangud sa Bagyo Quinta.
Sa interview sang Bombo Radyo Bacolod kay Provincial Disaster Management Program Division (PDMPD) head Dr. Zeaphard Gerhart Caelian, ginpahayag sini nga 118 ka mga pamilya ang nag-evacuate sa banwa sang Isabela samtang 50 naman ka mga pamilya ang nag-evacuate sa banwa sang Hinobaan.
Lakip sa apektado nga mga barangay sa banwa sang Hinobaan ang Poblacion 1; Bulwangan kag Talacagay.
Samtang, apektado naman sang pagbaha sa banwa sang Isabela ang Sitio Noning, Barangay Maytubig; San Pedro, Barangay Rumirang; Sitio Calapnisan, Barangay Rumirang; Sitio Galo, Barangay 5 kag Sitio Alegria, Barangay 5.
Samtang, ginpahayag naman ni Caelian nga may yara sang tatlo ka mga barangay ang may nagluntad nga landslide kagab-i kag anom ka mga barangay ang apektado sang pagbaha.
Isa naman ka barangay ang ginbaha sa banwa sang Moises Padilla.
