Arestado ang 38 anyos nga madrasto nga ginaalegar naghimulos sa iya 18 anyos nga manak nga babayi sa banwa sang Binalbagan.
Ang insidente natabo sa Sitio Quartel, Barangay Enclaro, banwa sang Binalbagan sang Hunyo 28, ala-1:30 sang hapon.
Ang suspetsado naga-edad sang 38 anyos, samtang ang biktima naman ang naga-edad sang 18 anyos kag isa ka Grade 11 student.
Sa interview sang Bombo Radyo kay Police Major Randy Babor, hepe sang Binalbagan Municipal Police Station, ginpilit sang amay ang bata nga mag-upod sa iya bangud sila ang may kadtuan kag didto na sini ginhimo ang krimen.
Suno kay Babor, ginpaidalom sa medical examination ang bata kag naggwa sa resulta nga siya ang positibo nga ginhimuslan.
Pahayag ni Babor, nanago sa kampo ang suspetsado apang matapos ang duha ka oras bangod sa tuman ka init, naggwa ang suspetsado sa kampo kun sa diin ini naaresto sang mga kapulisan.
