Dagdagan sang Land Transportation Office-Negros Island Region sang show cause order ang driver sang pick-up truck nga nag-arado sa tricycle kag walo ka motorsiklo sa Bacolod Negros Occidental Economic Highway sa Purok San Jose 1, Brgy. Sum-ag, Bacolod City, alas-4:30 Domingo sang kaagahon.
Sa interview sang Bombo Radyo Bacolod kay Land Transportation Office-Negros Island Region Director Jeck Conlu, dagdagan nila sang show cause order ang 18 anyos nga estudyante kag driver sang Toyota Hi-Lux nga ginpahayag nga natulugan ang 18-anyos nga babayi nga driver nga isa ka estudyante gani nabungguan sini ang tricycle kag nagdiretso sa mga motorsiklo nga nakaparada sa higad sang dalan.
Suno kay Conlu, matapos nga mabaton sini ang impormasyon ang Intelligence and Investigation Unit sang LTO-NIR agud nga imbestigaran kun ano gid ang natabo.
Suno kay Conlu, hulaton nila ang sabat sang 18 anyos nga driver sa igadagdag nga show cause order batok diri.
Nahibaluan nga bangud sa impact sang pag-arado sang pick-up truck napilasan ang driver sang tricycle nga Robert Samorillo, 49-anyos, kag ang duha niya ka pasahero nga lunsay mga lalaki kag menor de edad.
