Arestado ang 18 anyos nga lalaki matapos nga makuhaan sang iligal nga druga sa drug buybust operation nga ginpatigayon sa Purok Langis, Barangay Banago, Bacolod City sang Martes, Enero 7.
Ginkilala ang arestado kay William Arenal, single, 18 years old, unemployed kag residente sang nasambit nga lugar.
Sa interview sang Bombo Radyo Bacolod kay Police Captain Rondyl Tapang, station commander sang Bacolod Police Station 3, natigayon ang nasambit nga operasyon pasado alas 11:00 sang gab-i sang Enero 7, 2025.
Nakuha sa subject person ang siyam ka heat-sealed transparent plastic sachet sang suspected shabu magluwas sa buybust item.
Ang suspected shabu nga narecover ang nagabug-at sang 7.2 grams kag nagabalor sang P61,200.
Nakuha man diri ang buybust money nga P500 kag P500 nga ginapatihan nga kita sa pagbaligya sang illegal nga druga.
Suno kay Tapang, madugay naman nga ginamonitor ang subject person bangud ini ang nagapakuno-kuno nga menor de edad apang sang gintsekyar legal na ang edad sini.
Nagpanugyan sini Tapang nga indi upang sa mga otoridad ang pagpatuman sang layi ang edad kundi may yara ang mga ini sang ginasunod nga procedures nga santo sa layi sa tion nga may dakpon nga menor de edad nga drug personality.
