Ginaverify pa kun miyembro sang New People’s Army ang 18-anyos nga lalaki nga nadakpan sa engkwentro sa tunga sang New People’s Army kag 62nd Infantry Battalion sang Philippine Army sa Sitio Lower Macagahay, Brgy. Macagahay, Moises Padilla sang Huwebes sang gab-i.
Sang Hunyo 15, naka-engkwentro sang tropa ang apat ka mga rebelde samtang nagapatigayon sang Company Operations sa nasambit nga lugar.
Ini ang nagdugay sang lima ka minutos.
Wala pa nadeterminar kun may casualties sa mga NPA samtang wala naman sang may nasamaran sa tropa sang gobyerno.
Magluwas sa mga armas luthang kag granada, nakit-an man sa encounter site ang 18-anyos nga lalaki kag sa karun ginakumpirmar pa kun miyembro sang makawala nga grupo.
Sa karun yara sa kustodiya sang mga otoridad sa Moises Padilla ang nasambit nga lalaki.
