Nakahunong na sa Bacolod City Police Station 8 ang suspek nga nagbuno-patay sa 18 anyos nga lalaki nga kaupod sini sa pag-inum sa bahin sang BPO company sa Brgy. Tangub, Bacolod City kaina sang kaagahon, Nobyembre 1.
Sa interview sang Bombo Radyo Bacolod kay Police Captain Greeky Cayao, station commander sang Bacolod City Police Station 8, kaina sang kaagahon may yara sang nagluntad nga stabbing incident pasado alas 2:00 ang takna sang kaagahon sa nasambit nga lugar kag patay ang biktima samtang nagsungka naman ang suspek.
Ginkilala ang biktima kay Harold Villagante, 18 samtang ang suspek kay Kyle Macaranas, 18 anyos lunsay mga residente sang Barangay Tangub.
Suno kay Cayao, nagluntad ang insidente sa bahin sang Transcom sa nasambit nga Barangay kun sa diin nag-inum inum ang grupo sang biktima kaupod ang suspek.
Suno sa station commander santo sa panaysayon sang suspek gintapungol siya ni Harold kun sa diin nagluntad ang komosyon.
kamatayon sini.
Subong nga gab-i nagsungka si Kyle kun sa diin ginturn-over siya ni Punong Barangay Noli Villarosa sa headquarters sang Bacolod City Police Office.
Ini matapos nga personal nga nagpalapit sa iya ang pamilya sang suspek kag nagpahibalo nga magasungka ini.
Nagkuha sang kutsilyo si Kyle kag ginbuno si Harold nga naigo sa dughan nga nagresulta sa
Ginsugat si Kyle ni Villarosa kaupod ang iloy sini sa banwa sang Don Salvador Benedicto.
Ginpahayag man sang suspek nga atubangon sini ang nahimo nga krimen.
Ginahulat pa sang police station 8 ang desisyon sang pamilya sang biktima.
Sa karun natalana nga pasakaan sang kaso ang suspetsado.
