18 ka flower vendor ang nakabaton sang g-carts halin sa city government sang Bacolod City.
Kahapon, ginhatag sa 18 ka flower vendor nga nagapwesto sa BAYS Center ang mga g-carts sa papanguna ni Mayor Greg Gasataya.
Suno sa alkalde, manami kun uniformed ang carts sang mga vendors kag kun may yara sila sang permit kag official receipt nga mapakita sa ila customer.
Suno diri, mas maayo kun may yara sang carts ang kada vendors agud mahapos sila pangitaon sang ila mga suki kag mahipid tulokon ang ila pwesto.
Sa karun temporaryo nga ginplastar ang mga vendors sa likod sang BAYS center samtang ginakay-o pa ang Manokan country.
Dako naman ang pagpasalamat ni Glen Amar, ang presidente sang Bacolod City Flower Vendor Association bangod mas mahapos na para sa ila customer ang pagbakal kun may yara sang pangalan ang ila cart.
Suno diri, dako man ang bulig nga may yara na sila sang permit kag OR nga mahatag sa mga dalagko nga kompanya nga nagabakal sa ila.
