BACOLOD CITY — 37.50 percent sang mga examinees nagikan sa La Consolacion College Bacolod City ang nakapasar sa Architect Licensure Examination nga ginhatag sa ulihi nga semana sang bulan sang Enero.
Sa resulta sang pasinawan nga ginpagwa sang Professional Regulation Commission subong nga gab-i, 14 ka mga first timers nagikan sa LCC ang nakapasar samtang 10 naman ang ginkabos.
Samtang nagikan sa kabug-usan nga 24 ka mga repeaters, apat ang nakapasar samtang 20 ang napaslawan.
Sa bilog nga pungsod, kabug-usan nga 1, 126 nagikan sa 1, 955 ka examinees ang nakapasar sa pasinawan.
Nagpanguna sa may pinakamataas nga rating ang graduate sang University of Santo Tomas nga si Marc Henrich Go nga may 85.40 percent nga rating.
Ang pasinawan ang ginhatag sang Enero 26 kag 28 sa Manila, Baguio, Cebu, Davao kag Legazpi.
Natalana naman nga igaanunsyar sang PRC ang petsa kag venue sang oath-taking.
