18 ang pilason matapos nabungguan sang isa ka van ang isa ka pribado nga salakyan nga nakapark sa National Highway, Barangay Tibsoc, banwa sang San Enrique.
Sa interview sang Bombo Radyo kay Police Lt. Sammy Gasataya, deputy chief sang San Enrique Municipal Police Station, nagabyahe padulong sa Bacolod nagikan sa Isabela ang isa ka Nissan NV350 nga ginamaneho ni Vicente Espago, 23 anyos, residente sang Barangay Taculing, Bacolod City, sakay ang 17 ka mga magpamilya nga nagikan sa isa ka lubong.
Suno kay Gasataya, santo sa pahayag sang driver, nag-overtake ini sa isa ka tricycle kag nadulaan sang kontrol gani nakabunggo ini sa isa ka Toyota Vios nga nakapark sa kilid sang dalan.
Bangud sa kakusog sang impact, nadagdag sa kalog ang Toyota Vios samtang nag-igo naman sa isa ka balaligyaan ang van.
Nakaangkon sang minor injuries ang mga sakay sang van samtang wala naman sang sakay ang nakapark nga Toyota Vios bangud nagpanyaga sa isa ka kalan-an ang tag-iya sini.
May yara naman sang settlement ang pamilya nga sakay sang van kag si Espago samtang ginahulat pa sang kapulisan ang settlement sang driver sang van kag tag-iya sang pribado nga salakyan.
