181 ka mga locally stranded individuals nagikan sa Cebu ang ginpapauli sa probinsya sang Negros Occidental sang Lunes, Setyembre 14.
Sa interview sang Bombo Radyo kay Provincial Incident Management Team (PIMT) head Dr. Zeaphard Gerhart Caelian, ginpahayag sini nga ginsugat sang tagsa-tagsa ka mga local government units nga ginalakipan sang San Carlos, Sagay, Escalante, Calatrava, Toboso kag Isabela ang mga LSI sa Tabuelan Port gamit ang ila mga salakyan.
Suno kay Caelian, prayoridad subong ang mga LSI nga stranded sa Cebu bangud pila ka bulan man sila nga wala mapapauli kag pending anay ang mga yara sa Metro Manila bangud ang Bredco Port ang nahamtang sa Bacolod City nga napaidalom karun sa modified enhanced community quarantine (MECQ).
Suno sa iya, nagapakig-angot man ang probinsya sa ciudad kun mahisugtan nga magamit ang Bredco Port, papapulion naman ang mga LSI sa Metro Manila.
Suno sa Caelian, amat-amaton lang ang mga ini papauli agud indi ma-overwhelm ang mga quarantine facilities.
