19 anyos nga babayi, nakuhaan sang masobra P1.5M nga suspected shabu sa Brgy 8, Bacolod City

Arestado ang 19 anyos nga babayi matapos makuhaan sang masobra P1.5 million nga suspected shabu sa Prk. Narra-Baybay, Brgy. 8, Bacolod City, alas-11:17 kagab-i.

Ang subject ang ginkilala nga si Jessica Parimar alyas Gel, 19 anyos, single, wala sang trabaho kag residente sa lugar.

Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).

Narecover kay Parimar ang pito ka sachet kag duha ka knot tied transparent plastic sachet sang suspected shabu nga ginabanta nagabug-at sang 230 grams nga may standard drug price nga P1,564,000.