Nawitness sang mga tawo sa zoo sa Brazil ang pagpatay sang isa ka leon sa 19 anyos nga lalaki.
Ang lalaki ang ginkilala nga si Gerson de Melo Machado kag ang insidente natabo sa Arruda Camara Zoobotanical Park sa Joao Pessoa.
Nakit-an si Machado nga nagapanaog sa poste nga yara sa sulod sang enclosure sang mga leon.
Samtang nagapanaog, hinali lang ini ginlab-ot sang nagabantay nga leon kag gin-atake.
Santo sa report, ginhungod sini nga sakaon ang pader nga may kataason nga six meters agud makasulod sa enclosure sang leon.
Suno sa child protection counselor ng si Veronica Oliveira, walo ka tuig sini nga gin-updan si Machado nga magpaidalum sa institutional care.
Suno diri, ang iloy kag lola sini nagasuprer sang schizophrenia.
Apang, ginpa-athag sang state psychiatrists nga “behavioral problem” lamang ang kaso ni Machado.
Suno pa kay Oliveira, handum kuntani ni Machado nga mangin lion tamer.
Nakaa-agi na ini nga makalusot sa airport fence kag nanago sa landing gear sang isa ka eroplano nga ginpatihan sini nga mabyahe padulong sa Africa.
