Duha ka semana ang ginpatigayon nga casing and surveillance sang Regional Drug Enforcement Unit sang Police Regional Office-Negros Island Region sa isa ka High Value Individual (HVI) antes ini nadakpan.
Madumduman nga na-recover ang kapin P5.57 million nga balor sang suspected shabu sa 19-anyos nga lalaki sa ginpatigayon nga buy-bust operation sang Police Regional Office Negros Island Region sa Hacienda Busay, Barangay Punta Mesa, banwa sang Manapla sang Hunyo 20.
Ginkilala ang subject person nga si alyas “Jay Em,” 19-anyos, ginakabig nga High Value Indvidual (HVI), single kag residente sang Duyungan Street, Barangay 1B sa nasambit nga banwa.
Sa interview sang Bombo Radyo Bacolod sa PRO-NIR RDEU Head, sa ila ginpatigayon nga casing and surveillance natukiban nga nagabaligya gid man ini sang dalagko nga volume sang suspected shabu sa lugar.
Ang nakumpiskar nga ilegal nga druga ang ginabanta nagabug-at sang 820 grams nga may standard drug price nga P 5,576,000.
Sa karun ginhitso na ang papeles agud mapasaka ang kaso nga paglapas sa section 5 kag 11 sang Republic Act 9165 ukon Comprehensive Dangerous Drugs Act of 2002.
