19 ka bag-o nga kaso sang coronavirus disease 2019 ang narekord kahapon sa Negros Occidental samtang siyam naman sa Bacolod City.
Sa COVID-19 Case Bulletin No. 146 nga ginpagwa sang Department of Health Western Visayas kahapon, 78 ka bag-o nga kaso sa balatian ang narekord sa bilog nga rehiyon.
Duha diri ang nagikan sa probinsya sang Guimaras, 16 sa probinsya sang Iloilo kag 32 sa Iloilo City.
52 man ka mga persona ang nag-alayo balatian kun sa diin 30 ang nagikan sa ciudad sang Bacolod; 14 sa probinsya sang Iloilo; kag apat nagikan sa Capiz.
Apat ka mga fatalities ang nagdugang sa death toll sa rehiyon kun sa diin tatlo ang nagikan sa Negros Occidental kag isa nagikan sa Bacolod City.
Sa kabug-usan, may yara na sang 613 ka mga kaso sang COVID-19 sa ciudad kun sa diin 351 ang active cases, 247 ang nakarecover kag 15 ang nagkalamatay.
Samtang, nagdangat na sa 868 ang kabug-usan nga kaso sang coronavirus sa Negros Occidental.
