19 ka mga residente sang isa ka compound sa Singcang Airport, nagpositibo sa COVID-19

19 tanan ka mga pumuluyo gikan sa isa ka compound sa Barangay Singcang-Airport ang nagpositibo sa COVID-19.

Ang mga specimen sang mga nagpositibo ang ginpadala naman sa Philippine Genome Center agud mapaidalum sa genome sequencing kag matumod kun ang mga ini ang natapikan sang lain nga variant sang COVID-19.

Nahibaluan nga duha ka persona nga katapo sang isa lang ka pamilya ang nakabatyag sang sintomas gani nagpaidalum sa swab testing kag amo ang una nga nagpositibo sa COVID-19 sa lugar.

Bangud sini, ginpaidalum man sa swab test ang iban pa nga nagapuyo sa compound kag naggwa sa resulta nga positibo man sa virus ang 17 ka iban pa.

Ang mga pasyente ang gin-extract na sa compound kag yara na sa karun sa quarantine facility.