Nakapauli nga hilway ang 19 ka mga Bacolodnon Oveseas Filipino Workers sa ciudad.
Sa 19, pito diri ang nagikan sa United Arab Emirates, tatlo ang nagikan sa Kuwait, apat ang nagikan sa Saudi Arabia, isa sa Qatar, isa sa Saipan, isa sa Qatar kag isa sa Malaysia.
Sa interview kay Bacolod City Administrator Atty. Mark Steven Mayo, narepatriate ang 19 ka OFWs sa bulig sang national government paagi sa Department of Migrant Workers (DMW) kag Overseas Workers Welfare Administration (OWWA).
Suno kay Mayo ang 19 ang nakaabot na sa Bacolod City.
Suno pa diri ang ciudad ang makig-angot man sa mga ini agud nga mahibaluan kung ano nga bulig ang mahatag sang ciudad sa ila apang ang kalabanan nga bulig ang magahalin sa DMW kag OWWA.
Wala man sang nabaton nga concern ang ciudad sa mga nagpauli sa ciudad.
Ginpahayag man sang City Administrator nga magapabilin ang help desk nga puede tawgan kag pamangkutan kaangay lamang kun magpauli ang OFW ano nga bulig ang mahatag sang ciudad.
