May yara sang kapin 190 ka mga police personnel sang Bacolod City Police Office ang gin-deploy para sa seguridad sang mga delegado sang National Private Schools Athletic Association (PRISAA) 2026 nga patigayunon sa Mayo 9 tubtob 15 sa ciudad sang Bacolod.
Sa interview sang Bombo Radyo Bacolod kay Police Col. Eugene Rebadomia, City Director sang Bacolod City Police Office, nag-umpisa sila sang deployment sang police personnel duha na kaadlaw ang nakaligad bangud may temprano pa nga nag-alalabot nga mga atleta kag delegado sa ciudad sang Bacolod gikan sa magkatuhay nga rehiyon.
Suno kay Rebadomia, sa karun may yara sang 190 ka personnel sang Bacolod City Police Office ng dedicated nga magbantay sa mga billeting area padulong sa mga events place sang mga atleta.
Wala man sang reported nga bisan ano nga insidente.
Ginalantaw nga mahimo mangin mabug-at ang dalagan sang trapiko sa opening sang pahampang apang sa iban nga inadlaw indi man bangud natunga man ang sports events kag ang iban diri ang patigayunon sa ciudad sang Talisay kag Bago.
Nagpanugyan ini sa tanan ilabi na sa mga delegado nga kun kinahanglan police assistance may mga police sa Billeting area kag dapat halungan ang mga kagamitan.
