190 ka mga locally stranded individuals nagikan sa Metro Manila ang magapauli sa probinsya sang Negros Occidental subong nga adlaw.
Sa interview sang Bombo Radyo kay Dr. Zeaphard Gerhart Caelian, pinuno sang Provincial Incident Management Team, ginpahayag sini nga malapit na 1,000 ka mga LSI kag returning overseas Filipino (ROF) ang nakapauli sa probinsya halin sang Oktubre 10 tubtob subong nga adlaw.
Suno kay Caelian, kapin 600 ka mga Negrense ang nagpauli sa probinsya sang Oktubre 10, samtang 175 naman ka mga LSI nagikan sa Manila ang nagbalik sang Oktubre 12.
Kahapon, 80 man ka mga LSI ang nagbalik sa Negros kahapon kag subong nga adlaw, 190 ang ginapaabot nga magpauli.
Gindugang man sini nga ginsugat man sang nagkalain-lain nga Disaster Risk Reduction Management Offices ang ila mga pumuluyo nagikan sa Cebu via Tabuelan kag San Carlos.
Madumduman nga nagpatuman sang pito ka adlaw nga moratorium ang probinsya halin Oktubre 3 tubtob Oktubre 9, 2020 santo sa request ni Governor Eugenio Jose “Bong” Lacson sa regional interagency task force.
