Nakapauli na ang kapin sa 1,900 ka mga evacuees sa ciudad sang Bago kasunod sa paglupok sang bulkan Kanlaon.
Sa interview sang Bombo Radyo kay Bago City Mayor Nicholas Yulo, kapin sa 1,900 ka mga evacuees ang naggikan sa Brgy Ilijan, Mailum, Ma-ao kag Binibuhan.
Sila ang nagatinir sa walo ka mga evacuation centers.
Suno diri, may clearance na gikan sa Office of Civil Defense nga makapauli na ang mga pumuluyo nga wala nagapuyo sa 6km dander zone.
Nagpatigayon man sang pagpanglimpyo sa dalanon ang Chamber Volunteer Fire Brigade kag Bureau of Fire Protection matapos nga natabonan sang abo ang pila ka bahin sang dalanon kasubong man ang mga balay sa ciudad.
Hugot nga ginpahanumdom man sang alkalde sa mga residente nga maggamit sang facemask ilabi na ang N95 mask.
Nagpasalamat man ini sa tanan nga bulig nga ginpadangat sa ila ciudad sa karun nga kalamidad.
