Nagpaandam ang National Tobacco Administration (NTA) nga maapektohan gid ang palangabuhian sang ginabanta 2.2 million ka mga mangunguma sang tobacco, mga mamumugon, kag ila pamilya bangud sa padayon nga pagsangkad sang illicit tobacco trade sa pungsod.
Sa ginpatigayon nga Third International Tobacco Summit 2026, ginpahayag ni NTA Administrator Belinda Sanchez nga indi lamang ang gobyerno ang nagakadulaan sang kita bangud sa mga kontrabando kag untaxed cigarettes, apektado man ang linibo ka mga komunidad nga nagasalig sa industriya sang tabako.
Santo sa Bureau of Internal Revenue (BIR), nagadangat sa P40 billion tubtob P52 billion kada tuig ang nagakadula nga kita sang gobyerno bangud sa iligal nga sigarilyo.
Nagpanawagan ang NTA sang mas hugot nga koordinasyon sa tunga sang mga ahensya sang gobyerno kag mga kaingod sa Southeast Asia agud tapnaon ang smuggling kag maprotektsyunan ang palangabuhian sang milyun-milyon ka mga pamilya nga nagasalig sa industriya sang tabako.
