Aprubado na kahapon sang Sangguniang Panlungsod sang Bacolod ang proposed 2021 budget sang ciudad.
Sa interview sang Bombo Radyo kay Bacolod City Vice Mayor El Cid Familiaran, ang P2.6 billion nga budget ang unanimously approved sa third and final reading sang SP.
Sa tion nga ini ang mapirmahan ni Bacolod City Mayor Evelio Leonardia, for implementation na sa masunod nga tuig.
Suno sa iya, igapasa ini sa Office of the Mayor kag ini ang mangin basehan sang alkalde sa mga galastuhan sa 2021.
Suno diri, nagnubo ang budget sang P400 million bangud sa pandemic kun sa diin madamo ang nadulaan sang income kag negosyo.
Apisar sini, indi apektado ang budget sang City Health Office bangud isa ini sa may dako nga role sa pagpakigbato sa pandemic.
Sa karun, suno kay Familiaran, yara sa P2.6 billion ang budget nga gintalana sa ciudad para sa masunod nga tuig.
