Duha ang naserbihan sang warrant of arrest kag isa ang nagsungka nga may kaso may kaangtanan sa Republic Act 10168 ukon Terrorism Financing Prevention and Suppression Act of 2012 sa probinsya sang Negros Occidental.
Separado ang ginpatigayon nga pagserbe sang warrant of arrest sa mga subject sa banwa sang Pulupandan kag Cauayan kahapon.
Nahibaluan nga nadakpan si Federico Salvilla alas-7:00 sang gab-i sa Pulupandan kag si Perla Jaleco ang naaresto naman alas-8:00 sang gab-i sa Cauayan.
Kasunod sini nagsungka naman sa NOCPPO Dharyll Albanez samtang ini ang nagaproseso ang bail.
Si Albanez kag Salvilla ang lunsay may 2 counts sang terrorism financing samtang 3 counts naman ang kay Pavillar.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, ginarespeto sang kapulisan ang constitutional rights sang mga naaresto.
